பார்வைகள் பலவிதம், ஒவ்வொன்றும் ஒருவிதம். Paarvaikal Palavitham Ovvondrum Oruvitham. Types of Angles and Altitude.
அளவுகோல்:
பாதுகாப்பு:
தெளிவில்லாத நிலையில் மனதில் தோன்றும் எதிர்மறை எண்ணமே பெரும்பாலான பயத்திற்கும், குழப்பத்திற்கும் காரணமாக இருக்கின்றது. பதட்டத்தையும், தயக்கத்தையும் தருகின்ற இந்த எதிர்மறை எண்ணத்தை, சற்று கவனித்து, அதையே எச்சரிக்கை உணர்வாக மாற்றும்போது, அதுவே முதல்கட்ட பாதுகாப்பாகச் செயல்பட்டு மனதிற்கு வலுசேர்க்கிறது.
இந்த எச்சரிக்கை உணர்வே எந்தச் செயலையும் கூடுதல் கவனத்துடன் செய்வதற்கு உதவும் பாதுகாப்பு வளையமாக இருக்கிறது. இது இன்றைய சூழலில் குழந்தைகளும் தெரிந்திருக்க வேண்டிய முதல்நிலை தற்காப்புக் கலையாகும்.
வீதியில் இருக்கும் கல்லும் முள்ளும் காலில் குத்தும் என்று வீட்டில் அடைபடுவது செயல்பாட்டைத் தடுக்கும் எதிர்மறை எண்ணம். அதையே சற்றுச் சிந்தித்து, வெளியில் இருக்கும் கல்லையும் முள்ளையும் கடந்து செல்ல, முன்னெச்சரிக்கையாகக் காலில் செருப்பு அணியலாம் என்பது பாதுகாப்போடு செயல்பட வைக்கும் ஆரோக்கியமான நேர்மறை எண்ணமாகும்.
ஒவ்வொரு சூழ்நிலையிலும் அதில் உள்ள நன்மை தீமைகளை ஆராய்ந்து, நன்மைகளை முறையாகப் பயன்படுத்துவதும், தீமைகளில் எச்சரிக்கையாக இருப்பதும் வாழ்க்கைக்குத் தேவையான ஒன்று. இந்த எச்சரிக்கை உணர்வு எந்தச் செயலையும் பாதுகாப்போடு செயல்படுவதற்கு உதவும் நேர்மறையான உணர்வு.
தவிர்க்க முடியாதப் பிரச்சனைகளைத் தகுந்த பாதுகாப்புடன் எதிர்கொள்ளவும், முக்கியமான செயல்பாடுகளில் மாற்று திட்டங்களை வைத்துக்கொள்ளவும் முன்னெச்சரிக்கை உணர்வே காரணமாக இருக்கிறது. எனவே, எதிர்மறையான எண்ணத்தையும் எச்சரிக்கை தரும் பாதுகாப்புக் கருவியாக மாற்றும் மனப்பக்குவம், சூழலை எதிர்கொள்ளும் பார்வையில்தான் இருக்கிறது.
மனிதர்களின் பார்வைகள் பலவிதமான கோணங்களில் இருக்கலாம். ஆனால், அவை ஏற்படுத்தும் எண்ணங்கள் தரத்தில் ஒருபடி மேலே உயர்ந்தால் அதுவே ஏணியாக நின்று வாழ்க்கையைப் பலபடிகள் உயர்த்தும் என்பது உண்மையே.
# நன்றி.
